Bahumat Khabar

गृहमन्त्री अर्यालद्वारा केन्द्रीय सुरक्षा समिति बैठक आज दिउँसो ३ बजे सिंहदरबारमा

काठमाडौं । गृहमन्त्री ओमप्रकाश अर्यालले शान्ति सुरक्षा व्यवस्थाबारे उच्चस्तरीय छलफल गर्न आज दिउँसो ३ बजे केन्द्रीय सुरक्षा समितिको बैठक आह्वान गरेका छन् । बैठक सिंहदरबारस्थित गृह मन्त्रालयमा बस्नेछ ।

गृह मन्त्रालयका प्रवक्ता तथा सुरक्षा समन्वय महाशाखा प्रमुख सहसचिव आनन्द काफ्लेले बैठकका लागि आवश्यक तयारी पूरा भइसकेको जानकारी दिएका छन् । फागुन २१ गतेका लागि तय गरिएको प्रतिनिधि सभा निर्वाचनको सुरक्षा व्यवस्थाका साथै दुर्गा प्रसाईँले आह्वान गरेको आन्दोलनसँग सम्बन्धित सम्भावित चुनौती र आवश्यक सुरक्षा उपाय बैठकको मुख्य एजेन्डा रहनेछ ।

बैठकमा गृह मन्त्रालयका सचिव, नेपाली सेनाका एकजना रथी (बलाधिकृत), नेपाल प्रहरी र सशस्त्र प्रहरीका महानिरीक्षक, राष्ट्रिय अनुसन्धान विभागका प्रमुख तथा मन्त्रालयका शान्ति सुरक्षा महाशाखाका प्रमुखहरू सहभागी हुने गृह मन्त्रालयले जनाएको छ ।

Facebook Comments Box
No widgets found. Go to Widget page and add the widget in Offcanvas Sidebar Widget Area.