काठमाडाैं । डडेल्धुरा जिल्लाकाे आलिताल गाउँपालिका वडा नम्बर ८ निवासी अखिल (क्रान्तिकारी) का केन्द्रीय सदस्य तथा जिल्ला संयोजक कमरेड भैरव रावतको हिजो राती सवारी दुर्घटनामा परी दुःखद निधन भएको छ ।
संगठनले जारी गरेको शोक वक्तव्य अनुसार, यस दुःखद घटनाले संगठनलाई अपुरणीय क्षति पुगेको छ । जटिल परिस्थितिमा संगठनको जिम्मेवारी निर्वाह गर्दै क्रान्तिकारी विद्यार्थी आन्दोलनमा सक्रिय रहेका भैरव रावतको योगदानलाई स्मरण गर्दै संगठनले भावपूर्ण श्रद्धाञ्जली अर्पण गरेको जनाएकाे छ ।
संगठनका अध्यक्ष वीरेन्द्र शाहले मृतकको परिवारजनप्रति गहिरो संवेदना व्यक्त गर्दै कठिन समयमा सम्पूर्ण परिवारसँग सहानुभूति जनाएका छन् ।
भैरव रावतको निधनले विद्यार्थी आन्दोलन र संगठनमा अपूरणीय क्षति पुगेको उल्लेख गरिएको छ ।
Facebook Comments Box
