काठमाडौं । नेकपा (बहुमत) केन्द्रीय समितिले चौथो पूर्ण बैठकका निर्णयहरू सार्वजनिक गर्न आज राजधानीमा पत्रकार सम्मेलन आयोजना गर्ने जनाएको छ । राजधानीस्थित अनामनगरको संवाद डबलीमा दिउँसो १२:३० बजे हुने पत्रकार सम्मेलनमा पार्टी महासचिव धर्मेन्द्र बास्तोला ‘कञ्चन’ प्रमुख वक्ताका रूपमा उपस्थित रहने पार्टी केन्द्रीय कार्यालयले जानकारी दिएको छ ।
चौथो पूर्ण बैठकले पारित गरेका राजनीतिक, संगठनात्मक तथा आगामी कार्यक्रमसम्बन्धी निर्णयहरूबारे विस्तृत जानकारी आज सार्वजनिक गरिने बताइएको छ । पत्रकार तथा सरोकारवालाहरूको उपस्थिति रहने उक्त कार्यक्रममा पार्टीले वर्तमान राजनीतिक परिस्थिति, आन्दोलनका दिशा–निर्देश तथा भावी रणनीतिबारे आफ्नो धारणा सार्वजनिक गर्ने अपेक्षा गरिएको छ ।
पार्टीका अनुसार, बैठकमा पारित महत्वपूर्ण निष्कर्ष तथा आगामी अभियानहरूको घोषणा आजको कार्यक्रममार्फत व्यापक रूपमा सार्वजनिक गरिनेछ ।
