आईटी क्षेत्रलाई कर सहुलियत, स्वेट सेयरमा विशेष छुट

आर्थिक ऐन, २०८३ मार्फत आयकर ऐनको दफा ८(३) संशोधन गर्दै सरकारले सूचना प्रविधि क्षेत्रमा कार्यरत कर्मचारीलाई यस्तो सुविधा दिएको हो । स्वेट इक्विटी सेयर भनेको कम्पनीले आफ्ना कर्मचारीलाई नगद पारिश्रमिकको सट्टा वा अतिरिक्त प्रोत्साहनस्वरूप उपलब्ध गराउने सेयर हो ।

हाल अन्य क्षेत्रका कर्मचारीले प्राप्त गर्ने स्वेट सेयर भने बजार मूल्यका आधारमा आयमा गणना हुने र त्यसबापत कर तिर्नुपर्ने व्यवस्था यथावत् राखिएको छ । यसले एउटै प्रकृतिको आम्दानीमा क्षेत्रअनुसार फरक कर व्यवहार भएको भन्दै कर प्रणालीको समानतामाथि प्रश्न उठेको छ ।

यससँगै सरकारले सूचना प्रविधि उद्योगलाई मुलुकको नयाँ आर्थिक वृद्धिको आधारका रूपमा विकास गर्ने लक्ष्य राख्दै आईटी सेवाको निर्यातबाट प्राप्त आम्दानीमा ५० प्रतिशत आयकर छुट दिने व्यवस्था पनि बजेटमार्फत घोषणा गरेको छ ।

सरकारको विश्वास छ कि यी नीतिगत सहुलियतले सूचना प्रविधि क्षेत्रमा लगानी आकर्षित गर्नुका साथै दक्ष जनशक्ति स्वदेशमै टिकाउन र डिजिटल अर्थतन्त्रको विस्तारमा योगदान पुर्‍याउनेछ ।